Թեժ մրցակցություն |
Մայրության և գեղեցկության տոնին ընդառաջ` ապրիլի 7-ին, «No Problem» ժամանցի կենտրոնում կայացավ արդեն ավանդույթ դարձած «Սպորտը` հանուն հավասար հնարավորությունների» խորագրով դարցի 4-րդ մրցաշարը:
«Հույսի կամուրջ» և «Առաքելություն Արևելք» կազմակերպություններն արդեն մի քանի տարի է, ինչ միջոցառումն իրականացնում են Հայաստանի դարցի ֆեդերացիայի հետ համագործակցությամբ և Դանիայի միջազգային զարգացման գործակալության աջակցությամբ: Այս տարի միջոցառմանն իր աջակցությունն էր բերել նաև «Վիվա դոն» ընկերությունը:
Մրցանակները սպասում էին հաղթողներին |
Սպորտային ավանդական մրցապայքարով կազմակերպիչներն ամփոփեցին կականց միամսյակը և ևս մեկ անգամ հանրության ուշադրությունը հրավիրեցին հաշմանդամություն ունեցող կանանց հիմնախնդիրներին:
Մրցաշարին մասնակցություն էին բերել հաշմանդամության խնդրով զբաղվող հասարակական կազմակերպությունների և լրատվամիջոցների ներկայացուցիչներ` 45 մարդ, ինչպես նաև հայտնի մարդիկ` երաժիշտ Արա Գևորգյանը, շախմատի մինչև քսան տարեկանների աշխարհի չեմպիոն, գրոսմայստեր Զավեն Անդրիասյանը:
Մրցաշարին մասնակցում էր նաև երաժիշտ Արա Գևորգյանը |
Մրցակցությունը թեժ էր, հաղթելու ցանկությունը մեծ: Տղամարդկանց և կանանց խմբերն առանձին-առանձին մրցեցին լավագույնի կոչման համար: Կանանց պայքարում առաջին հորիզոնակը զբաղեցրեց Հասմիկ Բաբայանը (Panarmenian.net), երկրորդը` Սոնա Ավետիսյանն էր («Հույսի կամուրջ» ՀԿ), իսկ երրորդը` Սվետլանա Ջանունցը («Հույսի կամուրջ» ՀԿ):
Լռության ձայն խմբից մասնակցում էր Ռոբերտ Շահբազյանը |
Տղամարդկանց մրցապայքարում հաղթող ճանաչվեց շախմատի մինչև քսան տարեկանների աշխարհի չեմպիոն, գրոսմայստեր Զավեն Անդրիասյանը: Երկրորդ հորիզոնականը զբաղեցրեց Սամվել Ջինանյանը («Երկիր Մեդիա» ՀԸ), իսկ երրորդը` Հայկ Պետրոսյանն էր (TotalFootball.am):
Հատուկ մրցանակ է սահմանված նաև մրցաշարը լավագույնս լուսաբանող լրագրողի համար:
Աղբյուր` «Հույսի կամուրջ» ՀԿ
Լուսանկարները` Ռոբերտ Շահբազյանի
Комментариев нет:
Отправить комментарий